7 octobre 2008 2 07 /10 /octobre /2008 13:35

من كلام دريس النقاش

شفت لالا مولاتي عني تحجبوا، كتب المكتوب جيتكم يا لبنات
والعشيق يصادي من حر لهبوا، ما تنفعني كلام زادو ليعات
يا علي شوف جبال الغرب غيبو، جبال الصحرى نباو غير العضمات
لالا مـــــــــالك مانــــــــــــي لالا مّي، وحيـــــــي آلالا زهرة لبنات
مقسحهم لقلوب الناس عذبوا، ما جادو بكلام ولا رسالات
شفت الحسان بان صوار حاجبو، بلاد العشبة والرمل والعتعات
والنخل مصف فراخي كواكبوا، اللي ما هزوا ما درالو ليعات
يا لي ما هزوا لهوى وجربوا، باقي متهني ما عرفلوا غصــــــــــــات
والعشيق الغالي جمروا يتقبوا، يزيد القلب هيّـــة على هيّـــــــات
صرت بيه نتزهر غقلي مراقبو، قريت فالحب دريت فيه علامــــــات
يا علي شوف جبال الغرب غيبو، جبال الصحرى نباو غير العضمات
لالا مـــــــــالك مانــــــــــــي لالا مّي، وحيـــــــي آلالا زهرة لبنات
والعشيق الغالي جمروا يتقبوا، يزيد القلب هيّـــة على هيّـــــــات
صرت بيه نتزهر غقلي مراقبو، قريت فالحب دريت فيه علامــــــات
عاللشياخ أدوا هاذ سلامي نهيبو، ما فاح نوار فالحرج والعطرات
كل خاين الدهر هو يعاقبو، ما يفرحشي في لحياة غير الغمات
ميزي عليه بضربة واحدة نقلبو، ولا من بعيد نخبلو بالنبلات
قال دريس النقاش الله نرغبو، يجودلي بالعفو غفران السيات
يا علي شوف جبال الغرب غيبو، جبال الصحرى نباو غير العضمات
لالا مـــــــــالك مانــــــــــــي لالا مّي، وحيـــــــي آلالا زهرة لبنات

والرياضي متنعم كايحطمو، كيخلف ضربتو كامدات الجمدات
والفقيه لو ذاقو كايحذبو، يتلفلو كل ما قرا بالثبات
يا علي شوف جبال الغرب غيبو، جبال الصحرى نباو غير العضمات
لالا مـــــــــالك مانــــــــــــي لالا مّي، وحيـــــــي آلالا زهرة لبنات
شحال فاتوا من ملوك ما قدروا يحاربوا، كما عنتر في هوى شي عبلات
العبسي والشاعر مروان كتبّوا، كذلك قيس في هوى ليلامات
الحب اللهم جور عنا مصايبوا، عمروا ما يرحم عشيق طاغي يا سادات
تيهوا عقلي وقت ما يرقبوا، دوك الغيدات ساكنين الحافات
القد صاري برياح الموج غلبو، الجبين ضوا عليه سالف خبلات
زاد حبي في تعريق حاجبو، خطو طال جديد لون الزوجات
العيون صرادة والشفار هذبوا، طعنو قلبي بسموم الحربات
زينهم ما يقوا الداعي يحاربو، سلبو عقلي جاملات القصات
يا علي شوف جبال الغرب غيبو، جبال الصحرى نباو غير العضمات
لالا مـــــــــالك مانــــــــــــي لالا مّي، وحيـــــــي آلالا زهرة لبنات
الهوى مكني كثروا مواجبو، ما تنفعني معاه حتى حيلات
ما يعرفوا عقر بيا مايجاوبوا، ما رحموني ما طفاولي نار قدات
قلتليهم رأفوا بيا ورطبو، كان هداكم رافع السما يا لبنات
اشفقوا عن حالي لا تعذبوا، كيف المعمول خبروا يا حرات
من كلام دريس النقاش
يا علي

شيء قّدر عني سيدي مكتبو، وانا راسي ما موالف جولات
صغير ورضى جاه العوم نرهبو، ما نعرف لا عشق لا هوى لا حيلات
شافت عيني لجبالا قايقربوا، بلاد الشيح والنخل والسهلات
غير وعد الله والقدرة تواجبو، في جبيني راه سابقني شي أنفات
يوم مشيت في حواز البهجة نهذبو، شافت عيني وريت زوج حمامات
في كساوي نزلو والشعر يرغبو، طاشوا عقلي ملكوها بالخوذات
ما عرفت ليهم غاية كايناسبوا، عييت نسقسي وساكني للحافات
يا درى دوك البهجات فاش غلبوا، الزين لا طاموه شايعة عـالبنات
من درى دوك البهجات فاش غلبوا، الزين لا طاموه شايعة عالبنات
كيخرجوا يوم الجمعة يحاربوا، نحكيهم غزلان درجوا في جنبـــــات
يا علي شوف جبال الغرب غيبو، جبال الصحرى نباو غير العضمات
لالا مـــــــــالك مانــــــــــــي لالا مّي، وحيـــــــي آلالا زهرة لبنات
وقروا في قبالي باش يلعبوا، حبي ليهم فناوني ذالعذرات
بقيت فاهي ساهي ما ندري مزايبو، وانا راسي كمساعف لجيات
ولبنات كعرايس مشالة معذبوا، غرامهم قوا من حر الليـــــعات
غرامهم لو طاح عالجبل يريبو، والبحر مواجوا تريع بعض الساعات

Partager cet article

Repost0

commentaires

B
allah yarhmak yal hachemi, très très belle chanson..à écouter sans modération
Répondre

Suivre Okbob sur Twitter تابعوا الموقع على تويتر

Abonnez-vous اشركو في قناة الأحداث الجزائرية

Roll Over Beethoven