7 octobre 2008
2
07
/10
/octobre
/2008
11:24
| هذا عبـار من يدعي بطريق الكلام اللّي ما دعاوْا بدعوة لقدامهم راسُه يهوى عسى نّال منهم سطوة الجاحدين خَمْذُوا بعد انهدُّوا علاش رقدُوا بالغُمّة ماتُوا كيفاش تجي ساقية تعاند بحر الطُّوفان ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان يا حافظ المعاني خُوذْ الغزل التّمام رجلي على قفاه العادم من لا يكون فارس ناجم راني على الحروب ملازم آش للسّقارة يوم الإيغارة ضحى عبارة مرهوب في ذاتُه تَهمد فرخ البُومة كان صرصر حرّ البيزان ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان ما دابيـه وقت السّعود وايّامُه ما هنّاتُه ما تنكر شمس النهار غير عيون العميان كيسان التّشبيه بالعبارة تطلع نشواتُـه يفرق ما بين التّبـر والعسجد والعقيان سافرت في بحر الفن بالرّياسة ندري موجاتُه وسقيتْ وعمّرت مركبي باحجار اليمان من كلّ قبيلة جات الڤُومان تشري سلعاتُه تسقسي وتسال واش من مرسة خرج فلان أسْمي مِمين وحا ودال يا حافظ حلّة معناتُه بن عليّ ما خفى صاحب الْماية و الْميزان ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان هذا الوقت أهلُه نواوْا بالطّاروس و نبحاتُه عملوا ليه الجاه والسّبع ما عرفوا لُه شان خفضتني خفضات من يكون في مرفوعاتُه رفعُوا من لا ليه مرتبـة رفعـة الدّخّان إي واللهِ ريت الجران كا يتعدّى مرجاتُه خرج للصّحراء كا يروم لغـار الثّعبـان ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان |
ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان هذا نـهارنا جوّزنـاه على التّمام شمس الغروب مالت صفراء ما زال ما نسيت الحضرة في الزّين ما شفيت بنظرة ليل الفراق طاغي باقي صاغي وأنا نلاغي ندلّي روضاتُه نتمنّى ذاك الرّقيب ما يسعد لُه ديوان ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان إذا ضوى الفجر ما تسمع غير اليمـام تلقى مير جيش القبلة نزل على الدّجى بَمحلّة تاجُه راس عبد النّجلة منظوم بالجواهر لونُه زاهر لكلّ ساهر متّع نَجلاتُه جدّدنا ذاك الْمقام عند احكام الحسان ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان نغايم الوطار تـهيّج ناس الغـرام العود والرّباب مساوي نزهة جميعنا بَمشاوي حاز البدُور بعد زهـاوي الفجر رخى جناحُه بعد أن ناحُوا ضياء صباحُه نْشَرْ رايـاتُه الدّاج تـجلى و انتصر مصباح الحسان ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان |
ليل الزّهوّ حكيتُه سلطان أولاد حام أوّل عنترة نجسابُه بالخير والفراح نصابُه ما زال ما نْتَمّ حسابُه عام السّرور طايل باقي صايل يا السّايل ندري فرجاتُه نعيد لُه شلاّ خبار يا حسراه كيف زمان ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان نبغيـك دوّر الصّفرة بكيوس المدام أنا بلا كيوس أسقيني عمّر مرشفك ناديني الرّيق بلا خمر يكفيني كاس الرّحيق داير عقلي حاير معاه طاير نبغي رشفاتُه ما نشرب حتّى ترديني للمراشف سكران ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان بساطنـا في قلعة ما توطهـا اقدام إلاّ اقدامنا تُوطاها صاعبة جبالها و وْطاها الحرير فراشها وغطاها لقمة لكلّ داسر فيها حاصر بالعساكر ما راد حياتُه ما يتعدّى شي حدُودها من ذُوك الرّقبان ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان ليلة و يوم عندي في عوض مياتْ عام يا سعد من عطف محبوبُه وكمل بالهناء مرغوبُه يكفاك من أوصاف حجوبُه بعد أن كان ناكد صحّ العاهد والشّواهد يجلّي روضاتُه كبّ فناجل الخمر تشرق على الالوان ساقي باقي نور شمعنا ما قرّب حسكاتُه ما بَتْنَا هذا شحال ما غدّرنا كيسان إذا نغيب يقضّـني باشعار النّظام يحلى مع لقاك شرابي ما بين لامّتي و احبابي يبْراوْا مْحاينِي وعذابِي بعد أن كان جافي توبُه وافي وقلب صافي نجلي روضاتُه قلب العاشق ما يْلُه هناء في زمان التّيهان |
