"كلمات دحمان الحراشي "لي يحب صلاحو

غير لي يحب صلاحو
واحد فالمية تصيب في عشرتو شبعان
علاش النّاس قباحو
كل واحد يقول من عندي يا فلان
القلوب قساحوا ولحسود ڨداو النيران

يا الباغضني مانسامحلك طول زماني
شوف لحالك يا النّاقص ما فيك امان
تهدر فيا كلام قاسح وتزيد معاني
ما نسمعلك عارفك من اهل العديان
لعباد بحالك جاحوا
مانعاشرهم مايكونو ليا جيران
حباب الضلمة راحوا
وانت باقي بحيلتك في وجهك يبان
الحاسد بسلاحو كل يوم ايامو تشيان

غير لي يحب صلاحو
واحد فالمية تصيب في عشرتو شبعان
علاش النّاس قباحو
كل واحد يقول من عندي يا فلان
القلوب قساحوا ولحسود ڨداو النيران

بالله عليك عيدلي يا لاهي بحساني
أنا صابر في عدابك وانت فرحان
حالك صعيب لاش تغدر فيا بلعاني
علاش عليك هكذا تقرا فالنقصان
لي زيان عليه صباحو
لاش تعاند في حياتو اعطاه الرّحمان
الغالط اطلب سماحو
بنادم ما فادشي ندامو وهو حيران
جاوه رياحو عاد طاير بلا جنحان

غير لي يحب صلاحو
واحد فالمية تصيب في عشرتو شبعان
علاش النّاس قباحو
كل واحد يقول من عندي يا فلان
القلوب قساحوا والحسود ڨداو النيران

شحال من ناس طامعين وغواهم الفاني
كأنّه ذياب هاجوا بين الكيفان
شحال من ناس باسلين والنّصبة شيطاني
ماعندهم لا عقل لا معنى لا ميزان
من قلبي راهم طاحوا
واحد فيهم مايقر بالخير ولحسان
يا ناس الخير ارواحو
سبحان الله ماخلق في هذا الزّمان
لي نسى مفتاحو باش يفتح دوك البيبان

غير لي يحب صلاحو
واحد فالمية تصيب في عشرتو شبعان
علاش النّاس قباحو
كل واحد يقول من عندي يا فلان
القلوب قساحوا ولحسود ڨداو النيران