قالت له جزاك يا الشاتم....قصر من الكلام و الا تتسمى مباح
انا اللي طبي مشتهر .... نبري المريض من علاله الطويلة
نشفي من هو عليل ساقم...نبري من العلايل و من ضره يرتاح
نبري من الصداع و السطر...و السهرة تكون للنوم طويلة

كيف يكثر السهر يا الفاهم....ما يبقى من يساومك في سوقك براح
توالم للبعير و البقر...ياك انت حشيشة مصبوغة كالنيلة
مر كي الحنضل في الفم....و لوما السكر ما يشربه حتى الصراح
جميع اللي يشربك ينقهر....و انا طبي نعالجه بالتحليلة

قال القاضي كي تكلم.....يزيكم يا كرام قاع دواكم نجاح 
لكن التاي خصاله كثيرة...ياك انتي رخيص سومك و سهيلة
التاي نزاهة مع الكرايم ....الجلسة تزيد فيه همة و افراح
خلقه ربي كامل القدر....و اعطاه الله حسن الصورة الجميلة

صلى الله على النبي و سلم...و على اله مع اصحابه الصحابة الرجاح
عمر و عثمان و بو بكر انصار النبي....مع علي بوتفضيلة
نتوسل للغني الدايم...باهل السر العظيم و الاولياء الرجاح
تغفر لي و جميع من حضر...و تنصرنا جميع في هاذ الليلة

القهوة و التاي يا الفاهم ......دخلو مداعيين للقاضي شو صباح
قالوا له يا حاكم القدر ...... تحكم بيناتنا و لا تعمل حيلة

القهوة و التاي يا الفاهم ......دخلو مداعيين للقاضي شو صباح
قالوا له يا حاكم القدر ...... تحكم بيناتنا و لا تعمل حيلة

لانك قاضي بلا دراهم ..........لا تقبل شي كراء و لا تعمل شي مزاح
حكمت من مولاي بالنصر......و اعطاك الله من احكامه الجليلة
قال اتوا بكلامكم ثم........و اللي عندو شي خبر يعيد و يرتاح
و اللي له الحق ينتصر.......و اللي مغلوب ياك يرضى بالقيلة

نطق التاي للحاكم و قال......انا اليوم عاد شرابي مباح
ما نشبه شي حالة الخمر......يشربوني جميع الناس التفضيلة
نشفي من هو عليل ساقم......شربي ملاح فيه الراحة و الراح
فيه شي ريحة من العطر.....مع النعناع مخلط بالزنجبيلة

فيه شي حكمة للالم جميع....اللي لقيته داخل في الاشباح
نزول الضر و الكدر و نهبط....جميع الماكلة االي ثقيلة
في زهو البال و الكرايم.....الطلبة مخلطة و العلماء الفصاح
و البراد يشلوش النظر.....و الكيسان ظراف زادولي تشعيلة

و البقراج بحال الصوارم...و الصينية على كراسى عيدان ملاح
و البابور يفور بالجمر....و الشمع يضويو كثير في هاذ الليلة
شربوني الاشراف و الكرايم ....اهل السر العظيم و الاولياء الصلاح
اهل الزهو و الناس و القدر...ذوك اللي قاع ما فيهم تبديلة

و انتي كيفاش يا الخادم...ضحيت تضادي لون الوان الوضاح
مالك جاوبيني بالجهر ....ياك انتي غير خديمة قليلة
ما فيك لا نشوة و لا نسايم...يغيظو فيك الفناجل همة و شباح
يواتيك فناجل الحجر و لا قدوح....الطين موزون بكيلة