7 décembre 2008 7 07 /12 /décembre /2008 16:39

*

D lesnin teffɣeḍ tamurt
Tnufqeḍ tugiḍ leɣlaḍ
Dg-ek yark i neṛğa ttbut
B-b°ayen hemjen wiyaḍ
Teḥlelli-d deffir-ek lmut
win-tt-id widen ur tuṛğaḍ
Ay at lḥif xas cfut
D kenwi i d-yuğğewn ccyaḍ

Awah awah a tuğğal
Ṛuḥen-aɣ yergazen ur nuklal (2)

Ssaweln-ak wat ttindar
Γer tegnitt n ddiq qerrḥen
Asmi k-id-necden s annar
Ur tḥezzebḍ i iṛejjaqen
I tmurt ssefsin amrar
Tezder di temda lqayen
S uqerruy i temḥezwar
Leğnas deg-s a ttnezzihen

Awah awah a tuğğal
Ṛuḥen-aɣ yergazen ur nuklal (2)

Tufiḍ-d tamurt tenneqlab
Tefreq tṛuḥ d iḥricen
Wa ijebbed iqqar nek d aεṛab
Ulac wi di-d-yezwaren
Ma d at t-tmira d nniqab
Ttgallan ur s-ḍliqen
Swejden-d yum n lḥisab
I yemdanen i ten-ixulfen

Awah awah a tuğğal
Ṛuḥen-aɣ yergazen ur nuklal (2)

Ismi-k deg umezruy yella
Lğil d-iteddun a t-yaf
Tizzelgi ur tettdum ara
Xas akka izedɣ-aneɣ zzεef
Lezzayer at-teḥlu am wassa
Tamusni a d-tger ixulaf

Tneğṛeḍ-d iswi i ccetla
Tura steεfu a Mass Buḍyaf (3)

Partager cet article

Repost0

commentaires

Ali Yakouren 10/01/2009 19:41

allah yerhmek ya sid ahmed el watani..Merci bob..

Yakouren 07/01/2009 20:10

Merci pour cette chanson et vive les patriotes eternels..au paradis ils reposeront inchallah..merci bob