13 novembre 2009 5 13 /11 /novembre /2009 22:58
لله يا الجزاير

لله ياجزاير يا وردة الروح
نحلم يجي يوم عطر الحب يفوح
شوارع وحكايات تضحك في العينين
وتبقى بالساعات في قلبك لحنين
وانت الخمسة عليك مالحسد محروسة
واحنا بين ايديك نحلم بيك عروسة
وانشوف على بابك الغيمة تتجلى
من حبات ترابك نلبس أحلى حله
لله يا لله

لله ياجزاير يا وردة الروح
نحلم يجي يوم عطر الحب يفوح
تنام بيوت الناس مفتوحة البيبان
وعلاش الحراس ع القلب المطمان
ونقدر من غير حشمة نغزر في عينيك
من غير ما نخاف منك وانا نخاف عليك
ونشوف على بابك الغيمة تتجلى
من حبات ترابك نلبس أحلى حله
لله يا لله

لله ياجزاير يا وردة الروح
نحلم يجي يوم عطر الحب يفوح

وتتجمع القلوب لا غربة ولا فرقة
ولا دخان حروب تحت سمانا الزرقة
واللي عنده حمامة حبة قبح وترضى
واللي عنده منامة يحققها في اليقظة
ونشوف على بابك الغيمة تتجلى
من حبات ترابك نلبس أحلى حله

لله يا لله

لله ياجزاير يا وردة الروح
لازم يجي يوم عطر الحب يفوح
ونصرخ بالمدى بالكلمة الهدارة
ودم الشهداء ما راحش خسارة
مهما عشنا وشفنا وتهنا وتخالفنا
حبك بعد غياب يرجعنا أحباب
ونشوف على بابك الغيمة تتجلى
من حبات ترابك نلبس أحلى حله
لله يا لله

Partager cet article

Published by Bob_Algiers_ - dans Salon de Musique
commenter cet article
 

commentaires

Roll Over Beethoven