3 mars 2009 2 03 /03 /mars /2009 13:12
واش أداني ولاش مشيت في البلاد البعيدة حطيت يا درى نولي نشوف البيت ونشوف بلادي كي ولات
خليت احبابي والصدقان بيهم العشرة تزيان حياة حلوة في لامان مع خواني ماذا عديت
في البحر وشطوطو ذهبان السهرة تحلى مع لخوان الموسيقى بميزان هكذا يتحققوا الحلات
ما حلى القعدة في سيدي فرج مع ولاد الحلال اتفرج السعيد وسيد أحمد وعزيوز زين القعدات
زيد من ثمة لبوسماعيل محمد وعمر بالدليل في لجنان والغصان تميل كول واشرب واعمل نشوات
السهرة في زمان الصيف اللي نحبو ناشط وظريف في كلامو مسرار خفيف زادو تحفوه الموجات
هكذا نتهنى ونعيش هكذا عيني ما تبكيش ربي رزقوا ما يخطيش عاونونا يا أهل الدعوات
قولوا معايا يا لخوان نشا الله البهجة تزيان اللي مغرب في كل مكان يصبر ويساعف الأوقات
انشا الله هذا حد الباس مدام التعالبي عساس الهاشمي في كلامو قياس طايع شياخي والسادات

Partager cet article

Published by Bob_Algiers_ - dans Salon de Musique
commenter cet article
 

commentaires

Roll Over Beethoven